小小豬的禮物 4

15 MAY 2010 (SAT)

前幾日係信箱收到一封掛號信通知書，由於係通知書上面係寫左我個英文全名，都以為係叫我去投票嗰啲信又或者係政府信件。

今日趁大肥豬放假，所以就叫佢幫我去郵局拎信。佢一收到份包裹就即刻打俾我，講我聽原來封掛號信唔係政府嘢，係我一位朋友寄左啲禮物俾我。

聽完之後真係心思思，估唔到係啲乜，又諗係邊個知我我個英文全名。所以放工一返到屋企就即刻拎開份禮物嚟睇，原來係我個中學同學CARMEN寄俾我呀！

應該係講.......啲禮物係送俾小小豬先真~

真係好鐘意啲禮物，尤其係嗰兩件玩具，好得意仲係小小豬嘅第一份玩具嚟呀。

係度要同CARMEN講多謝，收到依份禮物真係好開心兼驚喜呀！