改嗰Blog名

我個係Blog度改左名，由『小寶豬』改成為『小肥豬』。點解要改名?

原因好簡單，當然就係同大肥豬有關啦~佢話唔鍾意個代號，要我幫佢改嗰個型仔D代號。但我又好鍾意叫佢做『大肥豬』，我覺得好襯佢(唔係話佢真係好肥，係好cute)，所以唯有我去改個代號就吓佢啦~

不過大肥豬同小肥豬個名好似仲襯。

 

Neutrogena煥膚面膜

新出左Neutrogena煥膚面膜，佢話可以收毛孔、用完皮膚會光澤啲。攪到我好想試吓呀!不過成兩百幾蚊，好似貴左少少，又唔知好唔好用~

今日係屋企對而嗰間萬寧，做左全店九折呀~同埋都有留意其他網友的意見，都話好，結果我就買左嚟吓。

剛剛用左第一次，用左之後好番面好似滑左少少，唔知係心理作用定係真係WORK。

不過我會KEEP住每星期用兩次。希望可以到我影結婚相嗰時靚靚啦

訂唔到飛呀

今日可以打Manhatan Hotline訂何韻詩十月個演唱會飛，所以我今朝由9點開始不停地打電話，打到個電話都冇電呀!終於到3點幾打通啦，不過佢話我唔夠積分，唔俾我訂呀!

之後，我就打去Manhatan問啦，佢地話我之前喺Cityline訂電影飛扣左，仲話依家我仲欠佢地萬幾分呀，都唔明點解係網上訂電影飛嗰時佢地冇話我仲有幾多積分，冇分又唔通知，仲繼續俾我欠落去。我覺得好有問題，唔通要我每次都打電話去check仲有幾多積分先去訂飛，佢地D電話又鬼死噤難打。

我諗都係要等公開售票嗰時買啦，不過又要返工，又有好多人想睇Hocc第一次演唱會，唔知點算呀！依家就睇吓媽媽可唔可以幫我買啦~

我驚買唔到飛呀!!!我真係好想睇呀

買眼鏡、皮鞋

噙日都大肥豬行左成半日，買眼鏡、皮鞋，等佢影結婚相嗰日用。

大肥豬話唔係太喜歡嗰D超禮服型的皮鞋，所以我地只係買左一對普通的黑色令皮皮鞋。我地開頭都怕個肘唔係太高(只有一吋多)，之後我就問個售貨員借一對兩吋鞋俾我試吓個高度，因為我平日都著唔慣高肘鞋，我都只係打算買約兩吋高。個高度又幾襯呀!

因為大肥豬依家係帶緊副冇框眼鏡，佢唔戴眼鏡嗰樣好惡呀所以就一定要配一副有框眼鏡~我地見到眼鏡88依家做緊特價，所以就打算平平地買係嗰度買副用來影相啦~唔知依家係唔係唔興有框眼鏡，所以好少款俾我地選擇，我地去左好幾間大型的眼鏡88都找唔到心水款式，最後去左一間超蚊型的眼鏡88，居然俾我地找到一副都襯到大肥豬面形。唔止呀!佢地同一時間買兩副仲有六折，我多口問句有冇同款的另一顏色，個sale就拿一副粉紅色俾我試，試過又幾好睇~所以我又配左一副。我地又配左情侶鏡啦!

下星期日就輪到我去買嘢啦~希望可以順順利利啦~

 

好開心的生日

今日係我的生日，剛好我同大肥豬都係短週，好耐都冇試過生日係放假啦~今日我地去左荔枝角公園同埋歷史博物館影相，因為我係好鍾意影相，同埋可以等大肥豬練習吓笑容。

首先我哋去荔枝角公園先，都OK靚呀。成個環境都好古式古香，好有詩意。不過今日除左我地之班，有幾班女仔打扮都成LOLITA影相。真係唔明點解依家D學生可以噤有錢，請攝影師幫佢地影。不過佢地年輕，趁青春留倩影，都應該~

我都唔差呀!雖然冇攝影師，但大肥豬幫我影相都好靚呀!有石有水~~~~

不過最衰就係~~合照太少啦!今日成日都係影得一張合照，無法啦~嗰度人又唔多，就算有都係D老人家，唔好意思叫佢地幫我地影呀!

之後我地就去歷史博物館啦~唔知係唔係因為係室內問題，加上有好多展覽區光度較暗，所以影嗰D相唔係太靚。不過去到就知道香港好多歷史，都有得著，$10入場費都抵呀!

今日過左一個好開心的生日，但因為我成日都著住高肘鞋，依家對腳好痛呀!

今日真係多謝大肥豬俾佢一個噤開心我生日我，雖然唔係好什麼特別的節目，但我已經好好好開心啦~

婚紗攝影Coupon

前日去酒樓落訂時，佢地送左張新天地婚紗攝影Coupon俾我。

不過，其實係上次婚紗展時已經join左同一間同埋已經book好十月去影啦~原本我都唔係好想要，但酒樓嗰位謝小姐話佢地曾經都有客人同我情況一樣，佢地可以同新天地的staff傾到可以free佢地多D嘢。我今日就試吓打電話去新天地問下啦，點知佢地話：我只可以去用張coupon影多一次，唔可以送多D嘢俾我。

依家好似coupon冇用武之地，好似有少少浪費。我依家睇下有冇朋友想要啦~或者轉手平賣左佢，可以幫下人，又可以幫補吓等日買相錢。

 

今日BOOK酒席啦

早前為左講擺酒問題，都同大肥豬有少少鬧意見，不過依家都可以話解決到個問題。我地已經係銅鑼灣皇室堡帝延酒樓落左定啦~可以說已解決結婚的第一個大問題啦~

我覺得個場都ok靚嫁，酒樓好多嘢都供應埋俾我。雖然個D酒席價錢好似俾我初時諗個價貴左少少，不過係旺區來就，都OK啦~~~ 

佢仲送左一張新天地攝影COUPON俾我，不過我已經俾之前BOOK左啦~唔知可唔可以叫佢地送多幾張相俾我呢?

好緊張呀!唔知個日會點呢?

感謝大肥豬接納我的意見，仲就晒我。

婚紗展入場券

今日收到邀請咭參加今個星期的婚紗展，佢話一對情侶係可以免費入場。

不過，我都唔知去唔去好，因為酒樓、婚紗攝影都BOOK好，其他野又似唔洗噤早買住，我又好怕人多的地方。算啦~睇下有冇人朋友想要就俾人啦~有著好唔好浪費嘛!!!

我諗我出年先再去婚紗展呀。因為我聽人講入去買嘢好多都會有DISCOUNT。

 

 

超唔開心

今日真係超~~~超唔開心，原來結婚真係好煩~~~~~~~~

好好好煩呀!~~~~~~~~~~~~~~~~~

點解噤多野都未攪得好，我見其他結婚人仕的婚期仲遲過我，都已經決定晒日子、book好晒酒樓......

我呢???????真我太心急，還時真係唔洗噤早攪住????????

 

 

差點成車禍

剛才陪媽咪泊車(是一輪VAN仔)回家時，係我地前面是一輪大型的貨車，一路都沒有問題的，但問題就由一條傑斜路開始。

話說我地要係斜路因紅綠燈關係要停車，前面就係個部大型貨車，我媽咪其實都好醒，在停車時都離左一段車距離，後面就有好幾部車。點知隔左唔夠5秒鐘，架大貨車無端端後退，媽咪就立刻不停地按叺吧啦~因為後面有好多車，我地唔可以又後退。點知，唔夠2場秒，架大貨車又再後退，離我地部車只有很少很少的距離，佢再後退我地一定會撞。因為我地部車冇佢個部噤堅韌，撞埋嚟一定會好傷。在這個時間媽咪緊張地話：除左安全帶，有乜事就跳車走，一個有事好過兩個有事。我地兩人都戰戰兢兢地看住這部車，見佢好似想行又唔知想，真係好驚。後來我地見架大貨車開始步步轉變後，我地的心情先安番D，見佢完全轉晒變之後，我地先再開車走。

真係好險呀!我仲要做靚靚新娘呀!不過我最感動就係媽咪叫我跳車，雖然唔係重要到如此地步，但我知道佢真係好緊張我的安危，好鍚我。

我真係好開心呀!!!!!我一定會好好考順好的。

農曆生日

HAPPY BIRHTDAY TO ME

今日係我今年第一個農曆生日(因為今年農曆潤七月，即有兩個農曆生日，加埋新曆，總共有三個生日呀!)

雖然有今天有三個生日，但都只會在新曆慶祝，今日希望可以開開心心過左就好啦~

今年生日的願意好簡單，希望日日都開心，攪結婚的事可以順順利利，同埋所有唔開心野快D可以解決到啦~

橫財4800萬

嘩!!!好多錢呀!

今晚的六合彩幸運兒將可獨得高達四千八百萬元獎金。因為過去五期六合彩皆無人中頭獎，逾三千三百萬元累積多寶，將撥入今晚攪珠的六合彩。

我唔貪心嫁，俾我仲到一千萬，我就滿足啦，可以買樓啦~攪結婚野啦~....哈哈哈哈

 

太古城哈爾濱冰燈節

今早就去左太古城個哈爾濱冰燈節，諗住一早去唔會噤多人，點知......都要排成三十五分鐘，不過我真係想去好耐啦!難得大肥豬又肯同我去，到低啦!

首先，D職員幫你揀衫的顏色同size，不過個D衫有少少 dirty，尤其是個衫袖，不過好在冇臭味。

一入到去就好開心，D冰雕真係好靘呀!基本上每個冰雕展覽品我都有影相(除左冇入冰屋，因為大肥豬太凍，唔想排隊。)，好多張我都好鐘意。入面唔會太迫，不過影相就多數會影埋隔離過個 (個個都影相嘛)。

本來我都打算留耐少少，不過大肥豬個鼻又凍到紅晒，又話隻耳仔涷到好痛，加上LU LU妹又話凍，所以我地約30分鐘就走留出來啦~~

總括黎講，小小的一個冰箱內，有這樣多平日較少機會看到的展覽品，又有得做善事，同埋都幾好玩同幾特別囉！所以都幾值得去感受下個氣氛。

登~登~登~登~

2007年通勝出左啦~

經我媽咪的師傅夾過我同大肥豬的八字之後，我的大日子就係07年12月3日(星期一)。終於都定到日子，好多野都可以決定啦~

開頭都怕有問題呀!因為一段都係男家個邊擇日子的，但因為我媽咪都有跟開師傅學野，所以媽咪就話由她來安排(因為識得個D擇日師傅，佢地唔會隨便嘛!)

今日我地就同大肥豬的媽媽談及這件事，好在她沒有問題，仲話：我地喜歡就好了。

我都放心晒啦~不過我知道以後都會有好多野煩，希望每樣事都可以順順利利啦~

 

金豬新娘

今日係公司無乜野做，咪上下網睇下結婚D野啦~

點知俾我發現左一樣野，有D網友話：因為通常雙春兼潤月之後一年係肓年，但07年是有立春的，加上天干, 地支, 五行係丁亥金年，通常這樣60年先有一次，而明年是豬年，所以話係金豬年喎。都係結婚好年呀!

嘩~~嘩~~嘩~~~~今之咪係明正言順做豬仔新娘，大肥豬係豬仔新郎，仲要係金個隻。(好富貴呀~)

我要做FACIAL

一早就諗住今日去攪結婚個D野，所以就同公司請假，點知原來又唔洗噤早去攪呀~又費時再改假，所以今日過左一個無無聊聊的假期。

所以我到打算今日同媽媽去做FACIAL啦!一來係打發時間，二來可以試下邊間美容院好。你知啦我就影結婚相，要以最好的狀態嗎?

同媽媽食完LUNCH後，我地就選左一間美容院去做FACIAL啦~~開頭我都有少少驚呀，怕個 D係『謀人寺』。當佢講解左一番之後，我就放心啦。於是我就選左做一個去黃的TREATMENT，媽媽就做一個超保濕的TREATMENT。

做完之後，我地都感覺做得好舒服(尤其媽媽，佢對於做FACIAL是很講究，佢都話好就OK啦)，所以都決定下次都去番這間做FACIAL啦!

下次應該會係兩個星期後去再做TREATMENT，要狂KEEP呀!!

攪笑的士司機

今早遲左起身，等極都等唔到小巴返工，為有搭一種最快的交通工具~~~~的士。

車程不遠，車費只需要$18，問題就開始啦!我銀包裡面只係有一張$100，我當然係俾個司機叔叔等佢找錢啦~

點知佢話：我冇得找呀!你有冇散紙呀!如果冇我車你去地鐵站唱呀!(地鐵站離我公司都有一段距離約5分鐘車程)

我反回答他：我趕住返工先搭的士，我已經遲到啦~你想點呀!

佢猶豫左一下，唔想俾我走，又諗唔到辨法。之後佢寫左佢個電話俾我，叫我下次打番電話俾番錢佢。

不過我唔係好明白，如果係$500就話係我的錯????點解我只係$100，佢都冇的找

算啦~~~雖然只係$18，我會打番電話俾錢。

 

爸爸的生日

今日係爸爸的農曆生日，今晚係酒樓擺左兩圍，爸爸就請左姑媽、姑姐、阿叔、舅父……等等。嘩!!!!好多人呀。所以我今日放工後要先返屋企，執番D眼耳口鼻，要見人呀!

由上年開始，買生日蛋糕的負任已轉去我個LU LU妹身上。

我同媽咪幫LULU妹訂左一個3磅的蛋糕，昨晚問她取回錢的時間，見LU LU妹 好似好肉痛的樣

，好好笑呀!

哈哈~~~其實我都唔知買什麼禮物俾爸爸好，不過大肥豬就買左一條皮帶送俾爸爸。我呢~~~~~~算啦~不如等爸爸新曆生日先請他吃飯當係生日禮物啦~~

其實今日都係我個嘉汶表妹的農曆生日，所以我地都會同她一齊慶祝呀!!!(因為我媽咪好錫她，當佢係自己的女一樣，仲有大利事呀!)

最後我都要講句：爸爸~  嘉汶~ 生日快樂!!!

 

病了~~

好慘

由起身開始，D鼻水就不停流，仲成日打噴嚏，把聲都轉埋，我諗我應該又傷風啦。

只好等到Lunch去買傷風藥食，希望食完就冇事。

我係繼我媽媽、爸爸之後第三個俾傷風怪獸

打敗了!

不過依家D天氣真係好麻煩，室外就熱到死，室內就凍(好多地方的冷氣好凍，一定係開過左25.5℃)，一冷一熱，唔病就怪啦~

希望佢地同我都可以快D好番就好啦~~~

 

Book左影婚紗相啦

已經BOOK左係十月去新天地影結婚相啦~~好緊張呀

我十月二日就會去試衫啦~~十月尾就影啦~

見面一些網上的留言版，評語都係好壞參半，我唔知會影成點~~

依家真係要開始KEEP住個樣同埋個身啦，唔好再俾自己肥落去。一生人一次(仲要晒貴)，一定要珍惜呀!我唔想第日睇番先覺得唔值呀!

我要影得好靚靚~~~~

唔知我著婚紗個樣係點呢?靚唔靚

 

 

 

減肥???

都唔知點算好，成日話要減肥，但係成日都好想食野(仲要係食零食)。

我已經係好忍口啦~好耐冇食零食，但成日都心思思想食。

天啊!點解我唔係食極都唔肥個D人!