【健脾潤燥】蓮藕眉豆紅蘿蔔豬骨湯

 30 NOVEMBER 2020(MON)

係街市買餸時被菜檔姨姨極力推介我買蓮藕，見啲蓮藕都肥啫啫又夠重身，所以就買返節嚟煲啖靚湯啦！

蓮藕同眉豆都係啲滋補潤燥嘅食材，都好適合依家嘅天氣飲用，所以我就煲依個蓮藕眉豆紅蘿蔔豬骨湯啦~

【氣炸食譜】芝士西蘭花薯仔餅

29 NOVMBER 2020(SUN)

依排小小豬好鐘意食薯仔，之前都係好簡單咁將薯仔切粒粒再加粟米同芝士焗俾佢食。雖然次次食都好快食晒，不過我自己食得多都有點悶，所以今次就攪攪就意思，嚟一個氣炸芝士西蘭花薯仔餅啦~

【片皮鴨都有得外賣？】回味的香港片皮鴨中菜館@金公館

28 NOVEMBER 2020(SAT)

早排因為測驗要閉關宅在家之外，仲謝絕一切探訪。咁測驗完都有一段日子，都係時候叫小小豬兩位至愛姨姨嚟屋企陪佢玩返夠本輕鬆一下。

既然兩個妹嚟陪玩，我都要好好招待一下先得，照理係應該煮返餐正嘢嘅，不過我又好想食片皮鴨同酸菜魚，平日三個人又唔可以叫得太多(怕食唔晒浪費嘛)，今日人多啲就可以叫多啲，於是就搵左間叫「金公館」嘅中菜館，「金公館」連片皮鴨都有得叫外賣返屋企食，於是就決定試下，等小小豬又有多啲時間同姨姨們玩~

【自學練習】培生朗文試前升級特訓

  27 NOVEMBER 2020(FRI)

上個月派晒測試卷，小小豬嘅成績都令我好滿意，我都安心啲啲。不過亦都因為咁，我又開始擔心了，原來升左小五嘅課程真係深好多又難好多，好多時啲問題都考到我，真係…………~

【試用分享】自然良坊醒目藍莓濃縮精華

16 NOVEMBER 2020(THU)

我一向都緊要都係四眼豬嘅近視情況，雖然佢依家都係用緊控制視力眼鏡，不過都要繼續好好保護先得，因為我好唔想佢個近視繼續加深。

除左我都煲左好多對眼睛好嘅湯水之外，我都會留意一些護眼保健產品，之前都有接觸過『自然良坊』，今次就有機會體驗係專門店及網店獨家發售嘅自然良坊醒目藍莓濃縮精華~

【試用分享】瑞典斯德哥爾摩的Gaston Luga PÄRLAN背包

25 NOVEMBER 2020(WED)

成日都好想買背包，不過都總係睇唔啱，因為背包真係好重要，要用得方便之餘仲要揀啲輕身嘅，咁出街都可以舒服又唔會頸背痛啦！

Gaston Luga PÄRLAN背包都聽好多朋友仔介紹都話唔錯，終於我都可以親身體驗下，謝謝公關姐姐提早為我送上聖誕禮物，依個PÄRLAN沙漠棕睇落都幾靚呀~ 

【明目潤肺】日月魚馬蹄雪耳豬骨湯

2 NOEMBER 2020(MON)

話說前幾日係屋搵到之前買落嘅湯水書，咁我就好努力溫書，睇下有咩湯啱煲俾小小豬飲。

一打開本書就俾依個湯水吸引到，有近期好成日煲而且屋企有大量存貨嘅日月魚(小小豬要護眼嘅嘛)，仲有好啱乾燥天氣嘅雪耳，所以就即刻買埋其他材料，煲依個既可以補肝明目，又化痰潤肺嘅日月魚馬蹄雪耳豬骨湯啦~