【清熱明目】紫無花果杞子菊花茶

21 FEBRUARY 2019 (THU)

小小豬突然話好想飲菊花茶，既然佢主動提意，咁我就當然非常樂意煲俾佢飲。因為菊花茶可以清熱解毒之餘又對眼晴明目都好有幫助，兩者都係小小豬極度需要嘅，所以就開工煲涼茶啦~

【生津清熱】魚翅瓜蘋果瑤柱豬骨湯

16 FEBRUARY 2019 (SAT)

新年期間小小豬都食左好多熱氣嘢，又瓜子又開心果，咁就係時候要煲返啲清熱嘅湯水俾佢飲下。行街市買餸時就見到菜檔姨姨上緊貨，見到啲魚翅瓜大大粒，所以就買返粒，之後再加埋蘋果同乾瑤柱一齊煲，等小小豬生津清熱兼整理下腸胃健康啦~

【補腦又明目】合掌瓜日月魚瘦肉湯

14 FEBRUARY 2019 (THU)

情人節乖乖咁留係屋企煮飯仔，咁就煲左個靚湯俾兩位老細飲啦！

小小豬月尾就考試(都好似未開始溫書添...大件事了)，溫習一向都唔洗我負責，但我都要做返少少嘢嘅，所以我就煲簡簡單單咁煲返個合掌瓜日月魚瘦肉湯，等豬仔補補腦仔同眼仔，到就可以舒舒服服咁迎接考試啦(其實...佢一向都唔驚考試，係我驚多啲...哈哈哈)~

【滋陰潤肺】元貝淮山百合紅蘿蔔瘦肉湯

10 FEBRUARY 2019 (MON)

新年日日都出街食到大魚大肉，都係時候要飲返啲自己煲嘅靚湯平衡下先得。新年前入手左一包小元貝看門口，所以今日就嚟煲返個元貝淮山百合紅蘿蔔瘦肉湯，等三口子滋陰潤肺一下啦~