象仔燜燒杯@太子參陳皮普洱茶

30 JANUARY 2015(FRI)

前幾日冇意中拎左本中醫書嚟睇，入面有一個茶療係話可以健睥暖胃、消食化滯。見食排都好似胃頂頂，好似消化唔係咁好，所以就買啲材料，用象仔杯試下啦~

材料都係三樣：太子參5g、陳皮兩小片、普洱茶少少~

陳皮浸透去囊，然後切絲備用~
 

先將太子參及普洱茶放入象仔杯，然後用涼開水洗一洗~

然後將陳皮絲放埋入象仔杯內~

最後加入熱水~

加蓋燜泡大約5分鐘，就可以飲啦~

飲完一杯之後，可以反覆沖泡飲至味精變淡為止。我用依個分量都飲左五杯，都最後嗰杯個味都仍然KEEP到呀！

其實單睇外表同普通嘅普洱茶冇分別，不過入口就有所分別，飲落有一陣陣嘅陳皮味同太子參味，而且我覺得比一般嘅普洱茶更好飲添！

至於飲完之後，個飽飽滯滯嘅感覺又好似少左啲啲。雖然唔知係唔係依杯茶嘅功效，不過間唔中泡嚟飲都可以冇壞呀！

試飲：CAFE 99 怡保白咖啡

29 JANUARY 2015(THU)

謝謝CAFE 99公關姐姐邀請，等我同大肥豬可以試飲到怡保白咖啡~

老實說，其實初時我對依個品牌印象都唔算太深，只係FACEBOOK曾經見朋友仔介紹過，不過係兩間大超市都唔見有得買，所以一直都冇機會試到。今次正係個好機會，等我地可以認識一下CAFE 99啦 !

CAFE 99係來自馬來西亞，原來佢地係好有名，當地係數一數二嘅咖啡商，近依一兩年開始正式嚟到香港推廣呀 !

CAFE 99怡保白咖啡係採用高級阿拉比卡咖啡豆，以低溫方式烘焙，純無添加香料，每一口的咖啡都可以讓你輕鬆享用到濃郁香醇的咖啡香。而且少了33%糖份，飲落冇咁甜更加可以特顯白咖啡嘅香濃呀~

一大包內有十五小包~
 

每包為一次嘅分量，一倒出咖啡粉就已經聞到好香嘅咖啡香，而且咖啡嘅粉質都好滑細~

只需要加上熱水，之段攪勻就可飲用，真係非常方便~

由於我對咖啡嘅要求唔算太高，所以今次依個試飲任工作就交俾咖啡愛好者肥豬試飲啦 !  

根據大肥豬嘅飲後感，佢話以即沖三合一咖啡嚟講，都算係唔錯，第一個入口就已經感受都好強烈的咖啡味，入口都好滑順，完全沒有苦澀味，而且甜度剛好，唔會蓋過啲咖啡香，總括嚟講就係一個字 "好" 咁話 ! 

其實睇肥豬表現我都知道係唔錯，因佢佢飲完一杯之後，就叫我拎晒其餘嗰啲等佢返工飲，飲晒仲叫我再去幫佢買添 !

哈哈哈...唔知大家有冇興趣都試下CAFE 99咖啡呢 ? 公關姐姐非常好人，佢俾多左八包試用裝我，等我可以送俾一路好鍚小小豬嘅朋友仔呀~

一包內有四款唔同口味，包括有 : 怡保白咖啡3合1 , 怡保白咖啡3合1 , 蘆薈豆奶同埋最特別嘅榴槤白咖啡3合1~

如果大家有興趣咁就快啲CLICK入去小小豬成長日誌嘅FACEBOOK FANPAGE(請按此)，答中一個小問題，就可以有機會試飲啦！

More Information :
Website：http://www.ial.hk/.
Facebook：https://www.facebook.com/cafe99hk 

美極煎虎蝦

29 JANUARY 2015(THU)

依排係BABYKINGDOM見好多媽媽都推介特價$39.9嘅惠康買虎蝦，見佢地個都讚不絕口，所以我都買左一盒，嚟試整美極煎虎蝦~

開初我都係人買我買心態，所以買左之後都唔知用嚟點煮好。最後我上網周圍搵食譜，終於俾我搵到個既簡單又好似好好味嘅美極煎虎蝦，就係一咁決定煮依個啦~

哈哈哈...其實咁抵開頭我都存有疑惑，咁抵嘅虎蝦係唔係真係好得呀？不過一打開包裝盒都解疑一半，因為好大隻呀~

真係有成隻手板咁大呀~

先將乾蔥頭一粒切碎~

虎蝦洗淨之後，然後剪鬚及挑腸~

印乾蝦上的水份~

燒紅鑊落油將蝦煎香~

將已經煎好的蝦盛起~

其後再用乾蔥頭起鑊~

爆香乾蔥蓉之後加入炒...炒...炒~

之後轉細火加入約二十滴(約一湯匙)美極~

同少少黑胡椒炒至乾~

食得啦~

正當我戰戰兢兢嘅心情睇住大肥豬食蝦，等緊佢嘅回應。估唔到大肥豬第一句就話：有驚喜哦！

完全冇諗過平平地嘅蝦仔食落都好彈牙，啲肉質都唔錯，所以真係食得過呀！

當然大肥豬嘅驚喜係包括我嘅廚藝，佢嘅我煎得好香好入味，完全冇諗過我整得咁好食咁話。聽完內心飄飄然一陣，睇嚟我都真係要煮多啲唔同種類俾大肥豬食，滿足佢嘅胃之餘，亦可以等我成日有自豪感呀！

蠔油薑葱炆雞

28 JANUARY 2015(WED)

今日小豬爸又準備左三隻新鮮雞脾俾我，所以就煮大肥豬至愛食嘅蠔油薑葱炆雞啦~

材料都係好簡單，幾樣就可以煮到依個餸啦~

先將雞脾洗淨斬件，之後用少少老抽、粟粉、黑糖及少少水醃大約二十分鐘~

薑葱洗淨切片~

先用薑片及一半的葱段爆香~
然後落雞塊煎至金黃色~

之後加入少少蠔油~

最後就要加切整碟餸嘅靈魂之物，就係一粒冰糖(冰糖的多少視個人對喜好鹹甜而定。)~

之後下蓋過材料一半的水，細火炆大約十分鐘~

最後將餘下的葱段及鹽加入快炒一陣~

話咁易又可以食得啦~

哈哈哈...依個餸真係可以話係我嘅拿手之作，次次煮大肥豬都一定會讚口不絕，聽完真係即刻充滿自信心呀！

好友新店開了- JP Plus

26 JANUARY 2015(MON)

今日我送完小小豬放學之後 , 我過左尖沙咀行左轉 , 因為多年同學仔剛剛開左新店 , 見冇乜嘢做 , 所以就上去八卦一返啦~

其實同學仔店係上星期開幕 , 不過當日唔太方便出席 , 所以今日先嚟八卦番 !

朋友仔的店係屬於樓上店 , 地點都係非常方便 , 係尖沙咀加連威老道街尾 , 見到藥房同華美達酒店的巷轉入 , 之後就搵威華大廈二樓204室就係啦~

同同學仔傾左陣之後 , 我就當然四周圍八卦一下啦 !

其實面積就唔算好大 , 不過就勝在環境好舒服 , 而且仲有好多唔同種類嘅護膚品 , 同埋好多唔同類型嘅飾物 , 仲有啲二手衫添呀~

同學仔仲同我介紹佢地幾款皇牌產品 , 好多產品都係依度獨家售買呀 !

令我最有印象就定係依套以中國美為主題嘅香水 , 為六大美女轉個新潮LOOK , 都幾靚呀 ! 不過我就最鍾意個香味 , 因為好少香水係會以檀香做主 , 好特別呀~

另外仲有兩款分別由中國及台灣引入嘅面膜 , 依兩款面膜同學仔都試過 , 效果真係好好 , 完全係急救補濕之選呀~

徐淑敏出嘅品牌 , 同學仔即場同我試左個部磨砂 , 用完之後對手真係勁滑呀~

有A.C.STORY嘅系列~

 

來自法國嘅Dr. Irena Eris , 我即場都有試過個保濕面霜 , 真係好潤又唔笠 , 真係令我有啲思思想買嚟用呀~
 

仲有系列嘅V-10產品~

哈哈哈...同學仔真係好有我心 , 留左一份開幕禮物俾我 , 真係好窩呀~

其實仲有好多其他產品 , 我都影唔的晒 , 所以如果家有時間可以上去同學仔小店參觀下幫襯下啦 !