勁有滿足感

今日大肥豬要開OT，所以就自己留左係屋企。不過，我冇偷懶呀，仲好乖咁嚟個家務大行動啦！

其實都唔係做左好多家務，抺左神枱，洗衫咁。不過講起洗衫，都真係勁有滿足感呀！

事緣之前大肥豬有幾件恤衫都有啲污漬，洗左幾次都唔得，總係覺得好唔夠白雪雪咁。係依個時候，醒起小豬爸之前講過有隻去污漬好勁洗衣劑，所以就買左一支嚟試吓可唔可以洗得乾淨啦！

見今日得我一個人，所以就拎左幾件衫仔去試下，諗住趁大肥豬唔係度，就算真係失敗都可以即刻毀滅佢，唔好俾佢發現嘛！

經過一輪閉關，洗洗...卒卒...擦擦...之後再放入洗衣機洗之後。終於......嘩....啲污漬真係冇得七七八八，仲有有番七八成新添。

大肥豬放工返嚟見到仲不停讚我叻，可以洗到咁乾淨添。攪到我都好開心得嚟又勁有滿足感呀！哈哈~~