尋晚同LULU妹去左睇HOCC演唱會，一入到場就已經見到差唔多三分二人已經入左場，我地都好心急等詩詩出場。
唱到第二首歌，全場都已經HIGH晒，好多人都企晒起身，嗰D捧捧個個都又舉又拍，個FEEL真係好正。當然包括我啦~我真係未試過睇演唱會係企度睇，真係好投入，有少少傻左，又叫得好大聲，真係未試過。可能係你周圍嗰D影響，會另到你不知覺間情緒高漲起嚟。
HOCC真係唱得好正呀!由佢D衫到成個舞台嘅配合，整晚秒秒鐘均是高潮，連上洗手間的機會也沒有。尤其當佢彈歌俾梅姐聽同唱佢作俾梅姐首歌時，真係好感動，我自己都眼濕濕呀!
因為是最後一場的緣故，真係Sammi做嘉賓呀!當SAMMI出場嗰時，真係全場都HIGH到極點， 兩人合唱了再見露絲瑪莉、終生美麗同埋叮噹。我自己都HIGH到唔識形容呀，嗰支捧捧到俾我拍到漏晒氣，真係好開心。
差唔多12:00先散場，真係好唔捨得呀!番到屋企都成腦詩詩D片段。
睇完HOCC演唱會後，真係更加鍾意HOCC呀!
如果佢加場的話，我一定會再買飛睇呀!
沒有留言:
發佈留言