【食得滋味又健康】 DAMA 純素軟雪糕

13 DECEMBER 2019(FRI)

早前見好多朋友仔都去左K11 MUSEA DAMA 嘅純素軟雪糕都讚口不絕，攪到我都心思思好想去試下。終於趁有新產品推出，約埋朋友仔嚟潮聖一番啦~

第一時間就當然係要純素軟雪糕啦~

今次軟雪糕推出左兩個新口味，頂級西西里島開心果同埋貓山王榴槤，作為榴槤控嘅我就當然係嚟一個貓山王榴連軟雪糕~

超香嘅貓山王榴連甘甜味濃，而且軟雪糕嫩滑細緻，大愛呀~

之後我地仲食蛋糕，款式都好多，件件都好靚呀~

最後我地就揀左栗子蛋糕同埋斑蘭流心蛋糕~

栗子蛋糕個蛋糕好軟熟，加埋豐富嘅栗子蓉及忌廉，口感豐富~

不過論驚喜程度就一定非斑蘭流心蛋糕莫屬，除左本身我一向都鐘意斑蘭甜品之外，佢過斑蘭爆漿流餡濃郁得嚟又非常澎湃，絕對係個人大推之選~ 

另外我地仲試左首推中式湯嘅燉蟲草花合桃腰果粟米甘筍湯同埋紅菜頭湯清甜，兩個湯嘅用料都好豐富，所以飲完都好飽飽呢~

今次真係食得滋味又健康等，我下次同小小豬嚟K11 MUSEA嘅時候一定要帶佢嚟食返杯純素軟雪糕先得！