【又來自家制】超可愛Peppa Pig曲奇

31 MAY 2018(THU)

為逗傻豬開心，買左一SET佢至愛嘅Peppa Pig曲奇模，收到貨就當然要日即刻整返底等豬仔有個驚喜。

自己冇乜信心可以整得靚(因為整曲奇我嘅失敗率太高了)，所以就去朋友開嘅小店，搵佢旁住我一邊吹水一邊整，就係咁......超可愛嘅PeppaPig曲奇出爐啦~

【小手作初體驗】Pom Pom 毛線球貴賓狗

30 MAY 2018(WED)

話說早前係Karly媽媽係FB分享左佢同僑僑整嘅親子毛毛球狗仔，真係超可愛，攪到我都心思思想學嚟玩下。終於我急唔住請Karly媽媽出手，教我依個手殘之人整小手仔仔。

幾經努力終於完成，依個就係我嘅Pom Pom 毛線球貴賓狗，其實.....都不過不失.....幾可愛呀...哈哈哈~

【清熱又潤肺 】鮮百合合掌瓜馬蹄豬骨湯

28 MAY 2018(MON)

依幾日真係熱都冇胃口，行幾轉街市都唔知買咩餸好，真係頭都大呀。唔知食乜就不如煲啖清清地嘅湯飲下，濕濕地又可以當湯飯，最好就係啲湯料又可以當一個餸，咁又可以煩少一樣....哈哈哈！

今日上網睇食譜，原來合掌瓜對兒童智力發展影響較大，可以提高智力。嘩...對智力發展好就當然即刻要煲多啲，所以就配埋鮮百合同馬蹄一齊煲，咁就補腦之餘又可以清熱兼潤肺啦~

【清肝排毒】金羅漢果雞骨草茶

25 MAY 2018(FRI)

早幾日又去藥材店入貨時，當然又係偷師好時機，就係咁我又學識煲一個新涼茶。用雞骨草配金羅漢果嚟煲涼茶，可以能清肝熱、排肝毒、清肺潤腸、生津解渴。既然咁好就一於買份材料煲俾兩位老細飲啦~

【消暑止渴】山楂蘋果茶

22 MAY 2018(TUE)

依幾日真係熱到冇朋友，咁熱唔好話出街，就連胃口都真係麻麻。見屋企仲有半包山楂片係度，所以就買多幾個蘋果，開工煲近期大熱，可以消暑止渴嘅山楂蘋果茶啦~

【產品試用】 LANCÔME BLANC EXPERT 全方位瞬白亮肌系列

20 MAY 2018(SUN)

依幾個星期都有同小小豬去附近泳池游水(因為我地係去公眾泳池，場內不准影相，所以我地都好乖乖咁守規則，冇同大家分享我地嘅泳池開心玩樂)，雖然我地都避左陽光晒勁嘅時候出發，不過連曬幾日，都真係黑左少少。

正所謂 "一白遮三醜" ，都要做返啲嘢補救。就係依個時候收到公關姐姐送嚟 七月先正式開售嘅 LANCÔME BLANC EXPERT 全方位瞬白亮肌系列，簡直係啱晒時候呀~

【健脾祛濕】節瓜淮山薏米豬骨湯

16 MAY 2018(WED)

見到有朋友介紹煲依個健脾祛濕嘅節瓜淮山薏米豬骨湯，我又突然好想飲清清地嘅湯，加上早幾日買左一大包薏米嚟煲涼茶，所以就去買埋其他材料，返屋企開工煲靚湯啦~

【滋潤祛濕】雪梨乾紫無花果薏米水

13 MAY 2018(SUN)

早幾日買材料煲祛濕解毒嘅涼茶時(按此重溫)，店主叔叔就提我解毒之後就要滋潤返，咁就係最好嘅祛濕飲法，之後佢仲教我煲依個既滋潤又祛濕嘅雪梨乾紫無花果薏米水。

哈哈哈...有人教路我就當然係乖乖受教，尤其係祛濕涼茶，因為我真係好怕唔好好預防，小小豬個濕疹壞朋友又嚟搵佢。所以....即刻買埋材料，努力開工煲涼茶~

【做個自然探索家】WWF夏日學堂2018體驗日

12 MAY 2018(SAT)

前兩日天氣仲係陰晴不定，好在天公造美今日又有好好天氣，所以小小豬就可以嚟到「世界自然基金會」化身成為「自然探索家」，參加兒童夏日學堂體驗活動~

【產品試用】MOPPY無線蒸氣清洗機

10 MAY 2018(THU)

屋企咁多樣家務中，我最..最...最著重嘅就係個地板，所以就算我有幾懶惰唔願做家務(咁做媽媽都會有想偷懶嘅時候)，都一定要掃地洗地我先安心，始終覺得個地板乾淨人都輕鬆啲！

平日我洗地都一定會先加清潔劑洗一次，之後再用清水過一次，其實都幾攰。今次收到品牌送來嘅禮物 - MOPPY無線蒸氣清洗機，咁就可以快快手洗地機，仲可以慳多啲私人時間添~

【產品試用】EG驅蚊系列

5 MAY 2018(SAT)

我同小小豬都係懶玩一族，所以一有時間我地就會四周圍玩，玩戶外玩多啲都真係人都輕鬆啲，到返學上課時頭腦都清醒啲啦！ 

不過，去得戶外玩就一定要好小心，去得戶外玩除左要好好防曬之外，防蚊功夫都一定唔少得。尤其我同小小豬都係極度....極度....極度受蚊子歡迎，只要做少防蚊措施，咁就好易俾蚊蚊錫到呢.....(唔講以為我地特然出疹呀)！

今次有機會試用EG驅蚊系列，唔知啱唔啱我同小小豬用呢~ 

【舒緩眼睛疲勞】夏枯草杞子菊花茶

3 MAY 2018(THU)

依排小小豬成日都話眼睛痕，除左可以幫佢定時按摩眼睛之外，咁都想煲啲涼茶等佢可以清一清。想煲涼茶就緊係去請教相熟藥材店店主，所以佢就教我煲依個舒緩眼睛疲勞嘅夏枯草杞子菊花茶~