【遲來的新春節目】遊林村許願樹

11 MARCH 2018(SUN)

新年就總係想嚟林村拋下許願樹，等新一年有個好開始。不過我都係一個HEA慣嘅人，好怕去人多迫迫嘅地方，怕迫得嚟又冇得玩，所以真係完全唔敢係新春嗰幾日嚟。終於過左新年嗰一陣人潮，再等小小豬考完試，趕得切係正月時玩返一轉，應下節啦~

還記得上次我地入雲泉仙觀摘士多啤梨時，我地見到入林村條路塞到真係有點嚇人，朋友話佢塞左大半個鐘都仍然未入到林村，聽見都真係有點怕。幸好今日勁人流已過，所以我地由屋企出發，唔洗30分鐘就到啦！ 

今次仲完全唔洗等車位，一入即泊...哈哈哈。泊車要六十蚊，不過有返兩個許願吉仔送返，都OK啦~

一見到張換領卡，小小豬已經急不及待去換吉仔啦~

未開始拋吉仔，就嚟敲下祈福鼓啦~

先嚟寫下啲新年願望，唔知係咪大個仔，依家識得想有自己嘅願望，佢話想考試100分(嗱...我冇迫佢呀...係佢自己講呀)，同埋大家身體健康哦~

一切準備就緒，就向許願樹出發啦~

細細粒嘅小小豬初時都話要自己拋，不過拋極都只係原地踏步，但佢又好幼力咁不停拋，睇見都覺得好好笑~

最後當然又係慈父出手，小小豬騎上DADDY肩上拋，又好似易啲。小小豬亦拋得如此開心，但DADDY就好似.......哈哈哈~

幾經努力終於拋到係樹上，雖然都拋左好幾十次，不過都叫做拋到，今年願望應該可以成真啦~

拋完吉仔就去玩下花花風車~

仲行可許願廊，可能啲吉仔同許願牌就好似少左啲啲，可能依個時候已經拎晒佢去回收了~

比起新年週明顯就少左啲街頭小鋪，不過好在都有啲小店，仲有幾間賣蔬果嘅都啱行~

哈哈哈...我地收獲都唔錯呀，DADDY買左盆羅漢松同富貴竹，我就買左大大枝嘅竹蔗煲涼茶~

行完街街就去飲杯豆漿食碗豆花休息下啦~

為食小小豬仲食多支麥芽餅添~

行過節日小店佢地兩父子又嚟睇過，仲買左個噹噹同小風車，小小豬真係收獲勁豐富呀~

今日雖然係唔算好熱鬧，不過依啲悠悠閒嘅活動好似啱我多啲~

唔介意比人行慢幾步，只要做自己覺得開心又舒服嘅事就夠，凡事HEA下慢活人生都幾享受呀！