由籌備婚禮開始到現在,網誌都有十年了。一位全職傻媽及親子博客,喜愛利用網誌記錄我家嘅親子育兒及烹飪食譜。 讓Kinsey擁有一個快樂童年是我的目標,繼續分享我們這一家的生活傻事,見証Kinsey的成長。
8 AUGUST 2010 (SUN)
因為工作關係,大肥豬成日都會同啲中醫師有聯絡,係早排佢同一位女中醫師傾開計,知道我就嚟生BB,所以就介紹左啲對我產後有益嘅嘢俾我地。
醫師話我產後唔係太建議飲水怕會有水腫,所以就話生完之後即刻可以飲桑寄生茶代替水,對產後會有幫助。
就係咁...今日大肥豬落街買餸時就去藥材鋪買左一盒桑寄生返嚟~
大肥豬試煲左一次,仲試飲過話個味道都可以接受。佢仲會負責依幾日都煲嚟醫院俾我飲,等我身體好啲咁話。
雖然未有得飲住,不過聽起都覺得好心甜呀!
沒有留言:
發佈留言