暫別

5 APRIL 2012(THU)
計計吓....我依個BLOG我都寫左好耐，由拍拖時寫到結婚，之後就大肚再到小小豬出世，大大話話都寫左五年有多。
係依五年時間內，都曾經有幾次都有打算放棄唔再寫，不過一諗到都寫左咁多年，已經變成左一個習慣，加上....係BLOG度又識左啲朋友，每當係街上面或者有朋友仔係度留言話認得我時，都有一種興奮感，當然好多朋友仔都讚小小豬可愛..叻叻...咁，令我有動力可以繼續寫落去！
不過......近依幾個星期真係發生左啲事(唔係俾人滋擾，只係自己嘅事，不過係乜事就唔好問我....因為我真係好唔想講)，令我真係好冇心情，個腦一片空白，唔想去諗嘢，所以都下左依一個決定，就係先暫時唔寫BLOG住，等我心情同情緒回復後，先再繼續寫返。

係度再一次多謝各位朋友仔一直來嘅支持~~